Friday 19 September 2008

زوارة


٣ فوق الستين
٥ بين الثلاثين و الأربعين
٦ في العشرينات
٥ بين العشرة و الثامنة عشر

-

وانا طالعة من العزاء شفتها
منو قاعد بالعزاء؟
سعر البقدونس قبل الشدة بخمسين فلس الحين ٣٥٠
توهم طالعين من العزاء كاهم الحين يايين
(تعليق على محدث بالتلفزيون) بيت جيراننا كنا نلعب مع خواته، كبر الحين ما شاءالله كان شعره حلو
الأبلة سألت منو رئيس الصف
بقالي ٦ مواد علما أتخرج بس ما أدري أخلصهم على جم فصل
انا ما قاعدة أسجل المواد اللي تنزل في كيفان ..تييني قمتة لما أروح هناك
مع السلامة انا ماشية
تو الناس أم محمد
مابي أتأخر عليه
الأبلة ذاك اليوم زفتهم زف
بعد قرقيعان و دي جي .. يا حافظ ما سنّت، حوسوا على البيوت و خلصنا
يمه شوفيلي التليفون المسجات مادري شفيها ما توصل
حسافة على اللي داخل الكوسا، لولوة تحطه مع السلطة
شحلو شعرج صاير
اي اول مرة احط له سن إن ..بروحي بعدين اخترب جان اروح الصالون
وراهم ليلحين ما يو.. يقولون وايد زحمة الشوارع
الجزر صغار و غالي
طافتكم اليوم الهوشه اللي صارت عند الفرعي، نزلوا من سياييرهم و ياهم رجال يفاككهم
شنو تتابعين برمضان؟

تشويش لا أسمع شيئا

إي عزاء رمضان معروف كله زحمة
وصف مفصل حق بدلة العيد
(تحلطم) هالخير و النعمة ! لين بغيت أتسحر ماكو شي ..كله ماخذينه هالخدام.. مت من اليوع، جان آخذ عباتي و اروح المطعم الفجر

سليمان عنده واجب عربي، شنو كلمة على وزن سلمى؟
ملهى..مرسى..
على وزن سأل؟
دأب
السوالف تحولت على الصبيان اللي اشتغلوا عندهم
اثنين تخانقوا، واحد قص أذون رفيقه يوم نادوا الشرطة طلب ٥٠ دينار تعويض ..سعر أذونه
يا حلو كنتكم ماشاءالله تهبل ذاك اليوم شفتها يايتكم

ثلاثة من الحريم ساكتين طول القعدة

الله يا ذيك الحجة بالطواف، ما وعينا الا هاللي يدزونّا و يقولون "حِريم ..حِريم" و الا رياييل محاوطين حريم.. بس ملفلفين بحمر، جان يتحلطم محرمنا يقول هذيله حريم! هذيله فندال .. وايا العمايم اللي بروسهم
اي في بعد حريم يسون بين نقابهم و وجههم مثل المسافة على شان يتنسمون

اي آي فون ينباع بخالد بن الوليد

يتني وحدة توزع ماي بمنى.. تالي جان تقوم و ترقص و الناس تصفق "شدة يالورد شدة" ..الظاهر ناذرة
وحدة يت اسألتني بالحج ليش تلبسين اسود.. بعد ما اعرف غيره، بس هي حسبالها محزنين

قامت وحدة.. هذي الساعة المباركة

خطبة جديدة
فلانة شتصير حق فلانة، منو ماخذها اي بنيتها رفيقة بنتي

أمي و خالتي توهم دخلوا.. أصوات الدخول من سلام و قُبَل

يسولفون عن واحد انشهر بقصة توبة
هو حلو؟
اي! ما شفتيه؟؟
حلات السفرة شهر
شلون لبنان؟
يانا حر بس يا حلوها
يهبل اليوم الهريس
تعالي عسى وصلتكم نقصتي
طيوبة فازت اليوم بسحب بالطابور حق مسابقة رمضان

تفضلوا على السحور

7 comments:

Someday said...

slam dunk!!!
LOVED it D!!!
I heard the chatters,,

Anonymous said...

Le charme discret de la bourgeoisie ?

iDip said...

غريبة.. ما جابوا طاري الدروس الدينية؟
خابرها صايرة
Trend
هالايام


ومني هذي اللي مو عاجبتها كيفان!؟
:/

Deema said...

someday,

hehehehehe
it's an experiment you see..
how much potential in a place with 19 women.. ehim.. or how many topics!

traveling from one group of chatters to another is really hard!
actually my ears became so conscious and i even left early from a serious headache!

-

Dalal arch,

oui bien sur!
les deux sont une grande réalité (...)

-

iDip,

ممكن يكون موضوع لو وحدة توها رادة من درس

بس عادة ..ما يكون موضوع في زوارة

حتى انا استغربت من سالفة كيفان..
طالبة علوم اجتماعية

Big Pearls said...

interesting conversations..

Anonymous said...

ديووووووم

امبييييييييي مت من الضحك خصوصا على اللي يبي مادري جم سعر حق اذونه !!


هيهيهيهيههيهييهيههيهيهيهيهييهيهي

وين وزارتكم شكلها وناسااا p;

وطبعا ديمه مستمعه قاعده وتتلاقط عينها يمين ويسار p;

Anonymous said...

لاحظني اني قلت وزارتكم!


كوري هالايام مخلبص :S

اخذي وشكـّي وانا اوخيتج